امام علي بيگ ميرزا

امام علي بيگ ميرزا”علي“: ميرزا امام علي بيگ ”علي“ ولد ميرزا قاسم علي بيگ 1881ع ۾ حيدرآباد ۾ تولد ٿيو. پاڻ قرآن مجيد جي تعليم پنهنجي والد ميرزا قاسم علي بيگ کان حاصل ڪري، آخوند، علي محمد جي مدرسي مان درسي تعليم حاصل ڪيائين. مولانا ابوالحسن لکنويءَ کان ديني تعليم جو به درس وٺندو هو. شاعريءَ سان گڏ خوشنويسي، مصوري ۽ زردوزي قدرت کيس ورثي ۾ عطا ڪئي هئي. هِزهائينيس مير حاجي نور محمد سان گڏ ٻه ڀيرا عراق ۽ ايران جون زيارتيون ڪيائين. پير سيد علي اصغر شاهه راشدي جڏهن به حيدرآباد ايندو هو ته وٽس رهندو هو ۽ سندس فن ۾ ڪماليت ڏسي کيس ”نقاشِ ازل اول“ جي لقب سان سڏيندو هو. ڊاڪٽر علي احمد قاضي، ميرزا صاحب جي مصوريءَ جي تمام گهڻي تعريف ڪئي آهي. سندس ڪلام مرثين، سلامن، غزلن، قصيدن، مناجات ۽ نعت تي مشتمل آهي. فاتح سنڌ مير فتح علي خان ٽالپر جي ٺهرايل تعزيه جي خوبصورتيءَ ۾ اضافو ڪرائڻ لاءِ ابرق تي نقاشيءَ جو ڪم ڪري تعزيه تي زري هنئي هئائين. پاڻ 4 سيپٽمبر 1955ع تي وفات ڪري ويو.

داخلا ۾ استعمال ٿيل تاريخون

1881.00.00  عيسوي

ميرزا امام علي بيگ ” علي “ 1881ع ۾ حيدرآباد ۾ پيدا ٿيو

1955.09.04  عيسوي

امام علي بيگ ميرزا ”علي“ 4 سيپٽمبر 1955ع تي وفات ڪري ويو

شخصيتون - ڀاڱي جون ٻِيون داخلائون